PJÁTRAN byrjar aftur týsdagin 1. oktober kl. 10
26. sept. 2024
Pjátran er ein sang- og hugnaløta fyri foreldur og børn (0-5 ár).
Vit møtast týsdagar kl. 10-12 frá 1. oktober til 26. november 2024 (undantikið 15. oktober, tá heystferia er).
Kontaktpersónar eru Gunnvá Á. Lützen (tel. 272803) og Lisa í Liða (tel. 912345).
Byrjað verður hvørjaferð við eini sangløtu. Vit fara gjøgnum eitt programm við kendum og nýggjum sangum, reglum, rímum og bønum. Alt er nemt at læra, og tit kunnu eisini fáa eitt sangblað heim við. Her er tað nærleikin og tað góða samspælið millum børn og foreldur, sum er tað týdningarmesta, og syngja vit øll við tí røddini, vit hava.
Aftan á sangløtuna bjóða vit ein lítlan drekkamunn við breyði, og møguleiki er hjá børnunum at spæla.
Hjartaliga vælkomin!
