Pjátran

Vit hava útsett at byrja eitt nýtt hold vegna støðuna við RS-virusinum.
Vónandi ber til at byrja aftur síðst í septembur.
Nærri kunning um nær vit byrja kemur her á síðuni.

DAGFØRT 13.09.2021

PJÁTRAN, ein sang- og hugnaløta fyri foreldur og smábørn.

Eitt nýtt hold byrjar í septembur.

Vit hittast í Lívdini viđ Vegin Langa 11 í Hoyvík týsdagar kl. 10:00.

Tiltakið er ókeypis. Tó er gott um tit hava 20 kr. við fyri matin. Ein bússa stendur frammi til tað.

PJÁTRAN er ein sang- og hugnaløta fyri foreldur og børn 0-5 ár.

Byrjað verður við eini sangløtu. Gjøgnum tónleik, rím, rørslur og rútmur fær barnið sansastimbrandi upplivingar í tí góða samspælinum við foreldrini. Vit ynskja at skapa eitt umhvørvi við nærveru og nærleika, har barn og foreldur styrkast í sambandinum sínámillum.

Við nøkrum sangum og føstum bønum bjóða vit eisini børnum og foreldrum at venda sær til Gud og gleðast um tað lív, hann hevur givið okkum.

Aftan á sangløtuna bjóða vit ein bita, og møguleiki er hjá børnunum at spæla.

Kontaktpersónar: Synnøve av Rana (tel.: 503501) & Lillian B. Poulsen (tel.: 562332)