UngLív

UngLív er fyri øll ung, sum ganga í 6.- 8. flokk. Vit eru saman hvønn sunnudag, meðan sunnudagsskúlin er, har vit fáa bíbliuundirvísing og práta saman. Harafturat møtast vit hvørt fríggjakvøld kl 20-22 í Lívdini, har vit hugna okkum saman. Okkara fremsta endamál er, at ung skulu kenna seg heima í okkara samkomu, knýta vinabond og koma at kenna Jesus sum sín besta vin.

Fríggjakvøld er nógv ymiskt á skránni. Eina ferð um mánaðin gera vit nógv burtur úr sangi, vitnisburði ella talu, spølum o.ø. Hini fríggjakvøldini eru meiri frí. Tá er pláss fyri, at tey ungu sjálvi velja, hvat tey vilja gera. Har hava vit borðspøl, borðtennis, bobb, tónleik, onkra kapping, kahoot ella møguleika fyri at gera okkurt kreativt o.s.fr.

Ein drekkamuður er altíð at fáa, og vaksin fólk eru altíð til staðar.