Sunnudagar í Lívdini

Les uppdaterađ kunning um samkomuvirksemiđ í mun til koronusmittuna her:

Vit hava møti og sunnudagsskúla hvønn sunnudag í Lívdini við Vegin Langa 11.

Kl. 11:15 Morgunmøti

Á morgunmøtinum lovsyngja vit saman, bróta breyðið og drekka av víninum til minnis um Harran og biðja. Hetta er ein løta fyri børn, ung og vaksin at finna hvíld og frið í nærveru Guds.

Steðgur

Aftaná morgunmøti er ein drekkamuður, og høvi er at fáa eitt gott prát. Steðgurin varar til kl. 12:30 tá møtið byrjar.

Kl. 12 Sunnudagsskúli

Meðan steðgurin heldur fram, og tey vaksnu enn fáa sær drekkamunn, byrjar sunnudagsskúlin í stóra salinum við eini góðari sangløtu. Tey vaksnu eru vælkomin við hesa løtuna, men sangurin er til børnini. Tá sangløtan er liðug, fara børnini upp á til undirvísing, spøl, ítriv og drekka. Til undirvísingina eru tey deild upp eftir aldri. Sunnudagsskúlin endar kl. 13:15 og tá eru foreldur vælkomin at avheinta børnini. Tey børnini, sum hava avvarðandi inni á møtinum, kunnu vera eftir í sunnudagsskúlanum ella fara inn á møti til síni avvarðandi.

Kl. 12:30 Møti

Aftan á steðgin, og tá børnini eru farin uppá, byrjar møtið. Vit syngja og hoyra ena talu. Av og á er ein stuttur vitnisburður, eitt lítið prát ella ein sangframførsla. Vit ynskja, at okkara sunnudagsmøti skulu vera fyri øll, ung sum gomul.

Verið hjartaliga vælkomin í Lívdina sunnudag.