Ver virkin

Vit vilja so fegin, at tú skalt kenna teg heima millum okkara.
Í Lívdini eru nógv tiltøk tú kanst koma til. Vit ynskja at vísa mennisjum á Jesus og vóna eisini, at tað kann vera bæði spennandi, gevandi og læruríkt at koma í Lívdina. Tú finnur eina dagførda skrá á forsíðini. Eisini leggja vit út kunning um tiltøk á sosialar miðlar.

Í Lívdini er eisini nógvar møguleikar at vera virkin og á tann hátt tæna Gudi og menniskjum við tíni tíð og tínum førleikum. At vera virkin í eini tænastu, ella koma uppí ein vina- ella húsbólk kann vera avgerðandi fyri um tú kemur at trívast í samkomuni. Tað er eisini í hesum minni bólkunum, at vit kunnu vaksa og búnast andaliga.

Vit hava eitt gott yvirlit yvir bólkar, sum tú kanst koma uppí í Lívdini á Church Centre, sum er ein app, sum vit í Lívdini brúka fyri at skipa okkara virksemi. Har finnur tú ymisk sløg av trivnaðarbólkum, tænastubólkum og fyrireikingarbólkum. Til ber at lesa meira um hvønn bólk og eisini at spyrja um at sleppa uppí ein bólk.

Trýst á knøttin, so kemur tú til bólkayvirlitið.

Tað ber eisini til at seta seg í samband við ein úr leiðsluni, til dømis á einum møti í Lívdini, um tú vilt hava meira kunning ella ynskir at gerast partur av eini tænastu.
Eisini kanst tú brúka oyðublaðið umvegis leinkjuna.