Dreymurin um eina samkomu, sum skuldi náa nærumhvørvinum í Hoyvík, og ein miðdepil, sum kundi vera borgarunum til signing, sá fyri fyrstu ferð dagsins ljós, tá ið Lívdin hevði sítt fyrsta almenna møti 26. august 2001.

Vit sóu fyri okkum eina samkomu

	har vitjandi kunnu kenna seg vælkomin
	har fólk trívast og kenna seg heima
	har fólk mennast og búnast andaliga
	sum peikar á vegin til Jesus
	sum umfevnir alla familjuna
	sum letur dyrnar upp fyri trúgvandi, sum ikki hava eitt andaligt heim
	sum nær út til alt Føroya land
	sum sendir trúboðarar út í heim

Bøn okkara var, at Lívdin skuldi røkka enn longur — til Havnina, Føroyar og allan heimin. Og nú eru vit mitt á ferðini at gera henda gudgivna dreym til veruleika.

Endamál

Grundstøði okkara er Jesus Kristus, og vit játta hann sum Harra og Frelsara okkara. Uttan hann er eingin samkoma. Endamál okkara eru grundað í Bíbliuni og byggja á sannleikarnar í Matteus 28:16-20 og Ápostlasøguni 2:42-47 — tilbiðjan, trúboðan, tænasta, samfelag og læra.

Vit ynskja at

Kjarnuvirði

Vit ynskja at liva eftir nøkrum grundvirðum, sum eyðkenna alt, ið vit gera.

Viðkomandi

Hava fingurin á pulsinum  í samtíð okkara og eggja samkomuni til at vera virkna, skapandi og nýhugsandi í samfelagnum.

Frælsi

Glaður, náðiríkur og frískur kristindómur skal eyðkenna Lívdina.

Ábyrgd

Fyrimyndarliga at elska næsta okkara og vísa ábyrgd, dygd og umsorgan í øllum, sum vit gera.

Hugsjón

Við grundleggjandi endamálum og greiðum kjarnuvirðum ynskja vit eisini at gera visiónir okkara ítøkiligar í gerandisdegnum.

Í øllum, sum vit gera, ynskja vit at: