Møtirøð um Matteus evangeliið
Komandi tíðin í Lívdini fer at verða merkt av Matteus. Ein spennandi røð byrjar komandi sunnudag 18. august, og verður hildið fram inntil 13. oktober. Ymiskir talarar koma at tosa.
| Dato | Yvirskrift | Undiryvirskrift | Talari |
| 18/8 | Jesus, Móses og Ríkið | Yvirlit yvir Matteus | Synnøve av Rana |
| 25/8 | Hvør er Jesus, og hví kom Hann? | Kap. 1-3 | Hallur av Rana |
| 1/9 | Grundlóg Jesusar | Kap. 4-7 | Poul Guttesen |
| 8/9 | Ríki Guds sæst í tænastu Jesusar | Kap. 8-10 | Billy Hansen |
| 15/9 | Takið støðu til Ríki Guds | Kap. 11-13 | John Hammer |
| 22/9 | Tað sum vendir niður, vendir upp | Kap. 14-20 | Símun Absalonsen |
| 6/10 | Ríki bresta saman | Kap. 21-25 | Danjal av Rana |
| 13/10 | Óvæntaði sigur Kristusar | Kap. 26-28 | Símun Absalonsen |
Øll verða eggjað at lesa Matteus áðrenn talurnar.
Eisini kann tað vera góð hjálp í at hyggja at videobrotum hjá BibleProject (á enskum). Her er t.d. ein video við yvirlit yvir Matteus. Her er ein leikja til eina teknaða plakat við yvirliti yvir Matteus. Her er eisini ein røð av videobrotum um fjallataluna hjá Jesusi.
Lesa saman týskvøld 19.30-20.00
Eisini verður skipað fyri at vit lesa brot úr Matteus saman týskvøld kl 19.30-20.00 (áðrenn bønarmøtið).
Eftir at hava lisið eitt brot saman, so verður Bíblian latin aftur, og ein persónur greiðir frá við egnum orðum út frá minninum, hvat ið brotið snýr seg um. Onnur leggja afturat, um okkurt er gloymt.
Harnæst verða hesir tveir spurningarnir svaraðir í felagi
- Hvat fortelur hendan søgan um Gud, Jesus og Hansara ætlan?
- Hvat fortelur hendan søgan um menniskjuna og meg?
