Tænastur

Her sæst eitt fullfíggja yvirlit av øllum tænastum í Lívdini. Broytingar ella spurningar skula sendast til Absalon Áargarð This email address is being protected from spambots. You need JavaScript enabled to view it. 

 

 SUNNUDAGSSKÚLIN 

Sunnudagsskúlin hevur skipaða undirvísing fyri børnini. Allir flokkarnir fylgjast við somu evnum, men á 

ymiskum stigum, alt eftir aldrinum á børnunum. Sunnudagsskúlalærarnir arbeiða í bólkum, sum skiftast um 

at hava sunnudagsskúlan. Tørvur er eisini á avloysarum, sum kunnu taka um endan, tá onkrum berst frá, og 

hjálparfólki at taka sær av børnunum inni í skúlastovunum. 

  

UNGLÍV 

Ein tænasta fyri ung í 10-12 ára aldrinum, sum koma saman til undirvísing og samfelag á seinna møtinum 

sunnumorgun. Tørvur er á samskiparum, undirvísarum og hjálparfólki, sum eru góð við ung fólk. 

  

ALIVE 

Endamálið við Alive er at røkka út til trúgvandi og vantrúgvandi ung við evangeliinum. Hetta tiltak er hvørt 

leygarkvøld og er eyðkent av góðum tónleiki, viðkomandi talu og góðum samfelagi. 

 

GLÓÐIN 

Endamálið við hesi tænastu er at hava eitt stað, har øll tey, sum eru sorgarbundin, niðurboygd, vónleys og 

friðleys, kunnu finna kærleika, gleði, vón og frið í Kristusi. Henda hirðatænasta er serliga fyri tey, sum hava 

stórar trupulleikar at stríðast við, fyri at veita teimum serkøna hjálp. 

  

HJÁLPARHONDIN 

Vit vísa umsorgan á tann hátt, at vit fara inn á gólvið við bakstri, tá onkur hevur átt, er álvarsliga sjúkur ella 

sjúkur í longri tíð, tá fólk verða rakt av sorg ella koma í aðrar umstøður, sum gera, at tey hava brúk fyri 

serligari umsorgan. 

 

AVVARÐANDI HJÁ MISNÝTARUM 

Bólkar, har samlivarar, børn, foreldur og systkin hjá misnýtarum kunnu koma saman at uppbyggja, stuðla og 

hjálpa hvør øðrum. 

 

VÆLKOMUBÓLKURIN 

Ein tænasta, sum hjálpir vitjandi og nýggjum samkomulimum at “koma inn í” samkomuna. Tænastan fevnir 

um at standa við dyrnar sunnumorgun og bjóða fólki vælkomnum, standa við lýsingarborðið og vera tøkur 

til samtalur í steðginum og aftan á møtini og at eggja fólki til at koma við til skeiðið “Hvat er og hvat ger 

Lívdin.” 

 

FORBØNARTÆNASTAN 

Endamálið er at vera tøkur at biðja fyri fólki leygarkvøld á Alive og sunnumorgun. 

  

BØNARBÓLKUR FYRI KVINNUR 

Andaligt samfelag fyri kvinnur, sum koma saman hvønn fyrsta leygarmorgun í hvørjum mánaði. 

   

KYKNUBÓLKAR 

Tað er umráðandi, at einstaklingar og familjur koma fast til regluligu tiltøkini, ið Lívdin skipar fyri, men vit 

meta eisini, at tað er neyðugt, at øll tey, sum hava gjørt Lívdina til sítt andaliga heim, læra hvørt annað betur 

at kenna í smáum kjarnum við í mesta lagi 12 fólkum. 

 

 

SKEIÐVIRKSEMI 

Høvuðsendamálið við skeiðvirkseminum í Lívdini er at føra fólk upp „trappustigan“ við at eggja teimum til 

at halga seg sjálv meir og meir andaliga. 

 

MØTILEIÐSLA 

Ein bólkur, sum samskipar og leiðir møtini sunnumorgun. Bólkurin velur eisini evni og finnur talarar til 

møtini. 

 

SANGARAR / TÓNLEIKARAR 

Endamálið við tónleikinum og sanginum í samkomuni er at hjálpa fólki at koma nærri Gudi gjøgnum tónleik 

og sang. 

  

TEKNIKKUR OG LJÓР

Henda tænastan tekur sær av øllum tí tøkniliga tónleikinum og sanginum. Tænastan umfatar at seta anlegg 

og hátalarar upp og seta tey til hvønn sunnudag, bæði á møtinum og í sunnudagsskúlanum, og at rudda av 

aftur, tá møtið er liðugt. Eisini umfatar henda tænasta at sita við miksipultin sunnudag. 

  

BREYÐ OG VÍN 

Skipa fyri, at breyð og vín er klárt til tilbiðjanarløtuna sunnumorgun, og at posin til peningainnsavning fer 

runt. 

  

BØNARBÓLKAR 

Skipa fyri bønarløtuni týskvøld í Lonini og fyri øðrum serligum bønartiltøkum gjøgnum samkomuárið. 

 

ELDRASAMBÝLIÐ Í HOYVÍK 

Endamálið við hesi tænastu er at røkka út til tey gomlu, sum búgva í eldrabýlinum Oman Hoydalar í 

Hoyvík. Hetta tiltak er eina ferð um mánaðin, har vit koma saman at syngja, biðja, hava eitt orð og hava 

samfelag við tey gomlu har. Tørvur er á fólki at stuðla sangin og á spælarum og fólki at hava eitt orð ella ein 

vitnisburð. 

  

TRÚBOÐARABÓLKUR 

Ein bólkur, sum hevur regluligt samband við trúboðarar okkara og skipar fyri øllum samskifti millum 

trúboðarar og samkomu. Tá tørvur er á praktiskari ella andaligari hjálp, hevur hesin bólkur ábyrgdina av, at 

neyðug hjálp verður útvegað. 

Kontaktfólk: Rúna Berghamar (516033) 

Kontaktfólk í leiðsluni: Absalon Áargarð (594020) 

  

KVINNUTILTØK 

Skipað verður regluliga fyri ymiskum tiltøkum soleiðis at andaligi og sosiali trivnaðurin millum kvinnur 

gerst alt betri. Tá tiltøk eru er altíð brúk fyri alskyns fólki at skipa fyri andaliga og tímiliga. 

 

HEIMASÍÐAN 

Endamálið við heimasíðuni hjá Lívdini er at geva Lívdini eitt ”andlit” úteftir – at kunna, samskifta og bjóða 

fólki at koma á møtini. 

  

KUNNINGARRITIÐ OG FACEBOOK 

Regluligt kunning til allar samkomulimirnar. 

  

LÝSINGARBORÐIÐ OG EINFALDARIN 

Henda tænastan fevnir um at hava allar praktiskar upplýsingar, sum viðkoma Lívdini, frammi á borðinum, 

sum stendur í gongini hvønn sunnumorgun, so sum bønarbrøv, bløð, tekningarlistar og annað. Tænastan 

umfatar at leggja alt á borðið, áðrenn møtini byrja, og at rudda av aftur, tá møtini eru liðug. Tænastan 

umfatar harumframt at savna, uppseta og prenta mánaðarliga tíðindablaðið ”Einfaldarin”. 

  

LÝSINGAR TIL FJØLMIÐLAR 

Endamálið við hesi tænastu er at fáa øll tiltøkini í Lívdini lýst í fjølmiðlunum. Hevur tú hug at hjálpa við 

hesi tænastu, kanst tú seta teg í samband við ábyrgdarfólkið. 

 

RÆTTLESTUR 

Endamálið við hesi tænastu er at rættlesa alt tað skrivliga tilfarið, sum verður brúkt í Lívdini ella sent út frá 

Lívdini. Tað umfatar rættlestur av sangum, lýsingum, greinum, power point og øðrum. 

 

SJÓNVØRPA 

Henda tænastan fevnir um at taka sær av sjónvørpuni sunnudag og at gera skjalið klárt til sunnudag (at seta 

sangir og annað inn) og at sita við uppvørpuna á báðum møtunum sunnudag. 

 

STREAMING 

Henda tænasta ger tað møguligt hjá fólki um allan heimin at hoyra møtini sunnumorgun beinleiðis á alnótini. 

Hetta umfatar at sita við telduna sunnumorgun og síggja til, at sambandið við alnótina er gott. 

  

TULKANARTÆNASTA 

Vit hava fleiri útlendingar, sum búgva í Føroyum, og nakrir teirra ganga í Lívdini. Tørvur er á at tulka taluna 

beinleiðis á seinna møtinum til enskt, soleiðis at útlendingar kunnu hoyra boðskapin. Tørvur er á fólki, sum 

duga enskt og føroyskt. 

 

UPPSETING OG AVRUDDING 

Henda tænasta fevnir um at taka sær av øllum tí praktiska viðvíkjandi uppseting og avrudding í sambandi 

við møtini sunnudag. Tað eru 7 lið, sum taka sær av hesi tænastu, og hevur ein tí bert ábyrgd áttandu hvørja 

viku. 

 

 BAKING OG VASKING 

Henda tænasta fevnir um er at taka sær av samfelagsløtuni sunnudag, at baka, gera te og kaffi og borðreiða 

fyri samkomuni. Køksliðið tekur sær eisini av vaskingini eftir møtini sunnudag. Tað eru 7 køkslið, og tú 

hevur tí bert ábyrgd áttandu hvørja viku. 

 

BYGGIBÓLKURIN 

Ein bólkur, sum arbeiðir við nýggja samkomubygninginum hjá Lívdini. 

  

FÍGGJARBÓLKURIN 

Fíggjarbólkurin skal síggja til, at allur peningur, sum kemur inn til Lívdina, verður rætt og sámiliga 

avgreiddur. Uppgávan hjá fíggjarbólkinum er at býta peningin út eftir tí skipan, sum fíggjarbólkurin hevur 

sett upp. 

 

NAVNALISTIN 

Endamálið við hesi tænastu er at fáa tey, sum hava gjørt Lívdina til sítt andaliga heim, á ein lista við 

nøvnum, bústøðum, telefonnumrum og teldupostadressum. Hesin listi lættir um samskiftið í Lívdini, men 

verður eisini brúktur sum ein bønarlisti, tá ið vit biðja hvør fyri øðrum. 

 

LONIN 

Ein bólkur, sum hevur praktisku ábyrgdirnar av Lonini. 

 

Bygningur